نوبة بكاء لـ«دينا» بسبب رسالة ابنها المؤثرة بشأن عملها (فيديو)

0 تعليق ارسل طباعة تبليغ

دخلت الفنانة دينا، في نوبة بكاء بعد رسالة مؤثرة من ابنها على، وطلبه أن يقضي معها احتفالات رأس السنة القادمة.

وقال على خلال تسجيل صوتي لبرنامج "تحت السيطرة"، المذاع على قناة "النهار": "ماما إنسانة وشخصيتها مختلفة عن الشغل تمامًا، ماما في البيت فيها حنية وبتراعي استغلال وقتها علشان تبسطني وتفرحني.. واستحالة أزعل من شغلها، لكن هي دائما مشغولة كتيرا في الشغل وبتحاول تعمل المستحيل علشان تفرحني وتكون جنبي أنا وجدتي، ولما أكون محتاجها بتسيب اللى وراها علشاني".

وتابع: "كانت زمان تدلعني وتقولي يا "لولو" ولما قلت لها بلاش أنا كبرت، من ساعتها استجابت ليا، وأنا فخور بها وبشغلها وشايف أن شغلها جميل.. بس نفسي تقضي الكريسماس معايا بعد كدا ونحتفل برأس السنة مع بعض، وأنا بقولها خلي حبك للناس في قلبك وخدي بالك من نفسك مع أن مش كل الناس هتحبك".

من جانبها عقبت الفنانة على رسالة ابنها، قائلة: "أنا ظلماه.. أول مره أسمعه بيتكلم.. وبكيت علشان عمري ما قضيت معاه كريسماس أو عيد.. ظلماه.. وهحاول السنة الجاية أخد حفلة في أي بلد وأخلص نمرتي وأسهر معاه لكن في مصر استحالة لأني بعمل 8 نمرات"، لافتة إلى أن ستحاول عمل اتزان للوفاء برغبة نجلها في الاحتفال معه".

وتابعت: "ابني مش هيقبل يتجوز من راقصة، ولو أخلاقها كويسة هوافق، ومش عايز يشتغل في الفن بسبب نوعية اللي موجود".

هذا المقال "نوبة بكاء لـ«دينا» بسبب رسالة ابنها المؤثرة بشأن عملها (فيديو)" مقتبس من موقع (بوابة فيتو) ,ولا يعبر عن سياسة الموقع أو وجهة نظرة بأي شكل ,وأنما تقع المسئولية الخبر أو صحتة على مصدر الخبر الأصلى وهو بوابة فيتو.

أخبار ذات صلة

0 تعليق